Қазақстан құрамасы әлем чемпионатының плей-офф бәсекесіне жолдама алды

<div> <p style="text-align: justify;"> <strong>Футзалдан 2016 жылғы әлем чемпионатының іріктеу турнирінде Қазақстан құрамасы өз тобының жеңімпазы атанды.</strong></p> <p style="text-align: justify;"> &laquo;ОН-ТВ&raquo; (бұрынғы &laquo;Таң&raquo;) телеарнасынан тікелей эфирде көрсеткеніндей, соңғы ойында қазақстандықтар Франция құрамасын 4:2 есебімен ұтты. Бұл кездесуде Дәурен Нұрғожин қос доптың авторы атанса, Серік Жаманқұлов пен Дуглас бір-бірден гол соқты.</p> <p style="text-align: justify;"> Сөйтіп үш ойыннан жеті ұпай жинаған Какаудың шәкірттері өз тобында жеңімпаз атанып, 2016 жылғы әлем біріншілігі іріктеу турнирінің плей-офф бәсекесіне жолдама алды. Бұған дейін Қазақстан құрамасы алаң иелері Чехия футболшыларын 3:1 есебімен тізе бүктіріп, словениялықтармен тең ойнаған (2:2) болатын.</p> <p style="text-align: justify;"> Еске сала кетейік, 2016 жылғы наурыз-сәуірде өтетін плей-офф бәсекелерінен кейін Еуропадан Колумбияда 14 қыркүйек - 2 қазан аралығында өтетін әлем біріншілігіне баратын жеті құрама белгілі болмақ. Плей-офф бәсекелерінің жеребесі 12 ақпанда тартылады.&nbsp;</p> <p style="text-align: justify;"> Бұдан бөлек, футзалдан Қазақстан құрамасы Белградта (Сербия) 2-13 ақпанда өтетін Еуропа чемпионатына қатысады. Мұнда қазақстандықтар С тобында Ресей және Хорватия командаларымен сынға түседі.</p> <p style="text-align: justify;"> &nbsp;</p> <p style="text-align: justify;"> ҚазАқпарат</p> </div> <p> &nbsp;</p>