Қазақстан әлем чемпионатының іріктеу кезеңінде Словениямен тең түсті

<p style="text-align: justify;"> <strong>Футзалдан 2016 жылғы әлем чемпионаты іріктеу турнирінің екінші турында Қазақстан құрамасы Словениямен 2:2 есебімен тең ойнады.</strong></p> <p style="text-align: justify;"> Ойынның 10-минутында қазақстандықтардан Шыңғыс Есенаманов бірінші болып есеп ашты. Бірақ бір минуттан кейін словениялық Рок Мордей таразы басын теңестіріп үлгерді. 19-минутта Дәурен Нұрғожин Қазақстан құрамасын қайтадан алға шығарды. Дегенмен, 29-минутта словениялық Кристьян Чуец есепті теңестірді.&nbsp;</p> <p style="text-align: justify;"> Екі турдан кейін төрт ұпай жинаған Қазақстан құрамасы өз тобында алда келеді.&nbsp;</p> <p style="text-align: justify;"> Қазақстан құрамасы келесі кездесуін 13 желтоқсан күні Франция ойыншыларымен өткізеді. Бұл Какау шәкірттері үшін топтық кезеңнің соңғы ойыны болмақ. Астанауақытымен 18.00-де басталатын матч тікелей эфирде &laquo;ОН-ТВ&raquo; (бұрынғы &laquo;Таң&raquo;)телеарнасынан көрсетіледі.&nbsp;</p> <p style="text-align: justify;"> Айта кетейік, алғашқы екі орынды иеленген командалар әлем чемпионатына берілетін жолдама үшін күресті алдағы жылы жалғастырады. 2016 жылғы наурыз-сәуірде өтетін плей-офф бәсекелерінен кейін Еуропадан Колумбияда 14 қыркүйек - 2 қазанаралығында өтетін әлем біріншілігіне баратын жеті құрама белгілі болмақ.</p> <div> &nbsp;</div>