«Реал Мадридтің» 21 жастағы ойыншысы әлемдегі ең қымбат футболшы атанды
«Реал Мадрид» клубы мен Англия құрамасының жартылай қорғаушысы Джуд Беллингем қазіргі таңда әлемдегі ең қымбат футболшылар рейтингінде бірінші орында тұр.
Дереккөз мәліметінше, 21 жастағы жартылай қорғаушы Джуд Беллингем әлемдегі ең қымбат футболшылардың көшін бастап тұр. «Реал Мадрид» пен Англия құрамасының ойыншысы қазіргі уақытта 251,4 млн еуроға бағаланған.
Джуд Беллингемнен кейінгі орында «Манчестер Сити» клубының норвегиялық шабуылшысы Эрлинг Холанд тұр (221,5 млн еуро). Ал «Реал Мадрид» клубының бразилиялық ойыншысы Винисиус Жуниор үздік үштікті түйіндеді (205,7 млн еуро).
«Барселона» мен Испания құрамасының 17 жастағы футболшысы Ламин Ямаль да ең қымбат ойыншылар қатарында 4-орында орналасқан. Қазіргі уақытта оның құны 180,3 млн еуроға тең.
Ал «Реал Мадридтің» шабуылшысы Килиан Мбаппе 175,2 млн еуроға бағаланып, 5-орынға жайғасты.