Күтпеген шешім! «Семей» сенсация жасаған бапкерін қызметінен босатты
Дави Мендонса «Семей» футзал клубының бас бапкері қызметінен кетті, деп хабарлайды Prosports.kz тілшісі клуб баспасөз қызметіне сілтеме жасап.
Оның басшылығымен команда 2023/24 маусымында өз тарихында алғаш рет Қазақстан чемпионы атанған. Оның қызметінде клуб айтарлықтай жетістіктерге жетіп, Еуропаның 16 үздік командасының біріне айналды.
«Дегенмен, қазіргі футзал үнемі даму мен бейімделуді қажет етеді. Клуб басшылығы командаға Қазақстан чемпионатында да, халықаралық аренада да бәсекеге қабілетті болып қалу үшін жаңа тәсілдер қажет деген қорытындыға келді», - делінген клуб хабарламасында.
«Семей» ФК бас директоры Азамат Аселкан бұл шешімді түсіндірді.
«Біз Давиге оның жұмысы мен адалдығы үшін алғыс айтамыз. Чемпионаттағы жеңіс — ортақ күш-жігердің жемісі, оның бұл жетістіктегі рөлі сөзсіз. Дегенмен, одан әрі даму үшін бізге жұмыс тәсілі клубтың стратегиялық мақсаттарына сәйкес келетін маман қажет», - деді ол.
Жаңа бапкердің есімі жақын арада хабарланады. Бұл уақытқа дейін бас бапкердің міндетін атқарушы болып «Семей» ФК спорт директоры Аслан Смаков тағайындалды.