Қазақстандық боксшылар жекпе-жекке шықпай-ақ 6 медаль жеңіп алды
Бүгін бокстан Азия чемпионатының жеребесі тартылды. Қазақстандық боксшылардың алғашқы қарсыласы анықталып, кімнің қай кезеңнен жарысты бастайтын белгілі болды.
Ерлер арасында Айбек Оралбай мен Бекзад Нұрдәулетов Азия чемпионатын жартылай финалдан бастайды. Демек екі боксшы да кемі қола жүлдегерлер қатарында.
Ұлттық құрама капитаны бақ сынайтын 92 келіден жоғары салмақта 5 боксшы ғана қатысады. Айбек жартылай финалда жастар арасындағы әлем чемпионы атағына ие өзбек боксшысы Жахонгир Закировпен жұдырықтасады.
86 келі салмақта да 5 боксшы қатысады. Ұлттық құрамаға оралған Бекзад 1/2 финалда украиналық Данило Жасанмен жұдырықтасады.
Әйелдер арасында Гүлсая Ержан, Диана Магауияева, Наталья Богданова мен Елдана Тәліпова жүлделі орынға ілігіп тұр.
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или