ЧЛ: «Семей» мен «Қайраттың» негізгі кезеңдегі соңғы матчтарының тікелей трансляциясы
Жұма күні, 25 қазанда Алматыда футзалдан Чемпиондар лигасының негізгі кезеңінде қазақстандық «Семей» мен «Қайрат» финалдық кездесулерін өткізеді, деп хабарлайды Prosports.kz.
Қазақстан уақыты бойынша сағат 15:00-де Qazsport телеарнасында «Семей» мен венгриялық Халадаш арасындағы матчтың тікелей трансляциясы басталады. Сағат 18:00-де «Қайрат» пен португалиялық «Спортинг» кездесуінің трансляциясы көрсетіледі.
Естеріңізге сала кетейік, «Семей» Чемпиондар лигасының негізгі кезеңін «Спортингтен» (4:6) жеңіліспен бастап, одан кейін «Қайратқа» (1:5) есе жіберген болатын. «Қайрат» «Семейден» бөлек, «Халадашты» да жеңді (4:0). Екі турдан кейін «Қайрат» пен «Спортинг» алты ұпай жинап, элиталық раундқа шықты. Семей мен Халадаштың әзірге ұпайы жоқ, олардың бетпе-бет кездесуі 4-топтан элиталық раундқа үшінші жолдаманың жеңімпазын анықтайды.
Элиталық кезеңде 16 команда бақ сынайды. Олар төрт топқа бөлініп, топ жеңімпаздары Төрттік финалға жолдама алады.
🔹 «ҚАЙРАТ ФУТЗАЛ» Бас серіктесі – «Самрұқ Қазына» ҰӘҚ» АҚ.
🔹 «ҚАЙРАТ ФУТЗАЛ» серіктесі - «Туризм индустриясы мен спортты қолдау қоры» КҚ
🔹 @sportqory
🔹 @samrukkazyna_official