Күтпеген нәтиже. Eternal Fire командасы CCT Global Finals чемпионы атанды

Түркиялық Eternal Fire командасы Counter-Strike 2-ден CCT Global Finals чемпионатының финалында Team Liquid халықаралық командасын жеңді, деп хабарлайды Prosports.kz.

Кездесу 3:1 (Inferno-да 13:5, Anubis-те 13:10, Dust II-де 14:16 және Nuke-де 16:14) есебімен аяқталды. Озгур woxic Экердің командасы ивентте бірінші орын алды. Eternal Fire 250 мың доллар табыс тапты.

Екінші финалист 100 мың доллар табыс тапты. 3-4 орындарды Astralis және GamerLegion иеленді, олардың әрқайсысы 50 мың доллардан алады.

CCT Global Finals киберспорт турнирі 16 мамыр мен 23 мамыр аралығында онлайн форматта өтті. Чемпионат қатысушылары 500 мың АҚШ долларын құрайтын жүлде қорын сарапқа салды.