Еуропалық құраманың голкипер- бомбардирі қазақстандық клубтан кетті

Футзалдан Әзірбайжан ұлттық құрамасының қақпашысы Ровшан Хусейнли қазақстандық «Атырау» клубымен қоштасты, деп хабарлайды Prosports.kz.

Бұл туралы спортшының өзі әлеуметтік желіде былай деп жазды:

«Ал қоштасатын кез келді, қиын шешім болды, бірақ бұл дұрыс деп ойлаймын. Жаңа достар, жақсы команда, қиын және жақсы нәтижелер және есте қаларлық 2 маусым. Рақмет жанкүйерлер! Рақмет Атырау! Қазақстан футзалына рақмет!».

33 жастағы қақпашы «Атырау» сапында екі маусым ойнап, Қазақстан чемпионатында 66 матч өткізіп, 4 гол соғып, бір матчта дубль авторы атанды.