Қазақстан жолдастық матчта Өзбекстаннан ұтылды

Футзалдан Қазақстан құрамасы 2024 жылғы әлем чемпионатына дайындық аясында Таразда Өзбекстан құрамасымен екінші жолдастық кездесуін өткізді, деп хабарлайды Prosports.kz.

Қазақстан Өзбекстаннан 5:6 есебімен сенсациялық түрде ұтылды. Қазақстан құрамасының сапында Арнольд Кнауб хет-трик авторы атанды (5, 20 және 40 минуттар), Рашит Джахангир (2) және Эдсон (38) де гол соқты. Бірінші таймда өзбектер 4-ші және 10-шы минуттарда, екінші таймда 25, 29, 35 және 40-шы минуттарда гол соқты.

Естеріңізге сала кетейік, Қазақстан мен Өзбекстан құрамалары арасындағы алғашқы жолдастық кездесу 7 сәуірде өтіп, тең есеппен аяқталды - 2:2. Ол ойында Арнольд Кнауб пен Шыңғыс Есенаманов Қазақстан сапынан гол соқты.

Алдағы әлем чемпионатына келетін болсақ, турнир 14 қыркүйек пен 6 қазан аралығында Өзбекстанда өтеді.