«Қайрат» чемпиондық атағын қорғай алмады

<p style="text-align: justify;"> <strong>Бразилияның Эрешин қаласында футзалдан клубтар арасындағы әлем чемпионаты аяқталды, деп хабарлайды &laquo;PROСПОРТ&raquo;.</strong></p> <p style="text-align: justify;"> &nbsp;</p> <p style="text-align: justify;"> Клубтар арасындағы әлем чемпионаты. Финал.</p> <p style="text-align: justify;"> &laquo;Қайрат&raquo; - <strong>&laquo;Атлантико&raquo; (Бразилия) -</strong> 3:4 (0:1)</p> <p style="text-align: justify;"> <strong>Голдар:</strong>&nbsp; Диваней 21, Лукаян 30, Игита 32 - Гафанья 16, Камарго 24, Кеке 35, Диваней 49 (автогол)</p> <p style="text-align: justify;"> <strong>&laquo;Қайрат&raquo;:&nbsp;</strong>Игита, Ронкальо, Игор, Жоан, Першин, Сүлейменов, Же, Лео, Алешандре, Лукаян, Дуглас, Диваней, Нұрғожин, Есенаманов</p> <p style="text-align: justify;"> Былтыр ғана Алматыда клубтар арасындағы әлем чемпионатын жеңіп алған &laquo;Қайрат&raquo; биыл өкінішке қарай чемпиондық атағын қорғай алмады.&nbsp; Финалда алматылық ұжым тартысты кездесуде Бразилия чемпионы &laquo;Атлантико&raquo; командасынан ұтылып қалды.</p> <p style="text-align: justify;"> &laquo;Қайраттың&raquo; бапкері Какау ақтық ойынға бірінші минуттан Игита, Же, Игор, Лео мен Диванейді шығарды. Қазақстандық команданың шабуылдары &laquo;өткір&raquo; болғанымен бірінші болып голды бразилиялықтар соқты. Гафанья Игитаның қателігін ұтымды пайдаланды &ndash; 1:0. Осылайша, бірінші тайм &laquo;Атлантиконың&raquo; пайдасына шешілді.</p> <p style="text-align: justify;"> Ал екінші кезеңде &laquo;Қайрат&raquo; Диванейдің көмегімен есепті теңестірді. Алайда араға үш минут салып &laquo;Атлантико&raquo; ойыншысы Камарго өз командасын қайта есепте алға шығарды. Бес минуттан кейін Лукаян таразы басын теңестірді. Кейін Игита әдемі соққымен есепті 3:2-ге жеткізді. Алайда, ойынның аяқталуына бес минут қалғанда Кеке есепті теңестіре алды. Артынша, овертаймның аяқталуына бір минут қалғанда Диваней байқаусыздан өз қақпасына гол соғып жіберді. Осылайша, эрешиндік &laquo;Атлантико&raquo; клубтар арасындағы Әлем чемпионатының жаңа жеңімпазы атанды.</p> <p> &nbsp;</p>