Бурабайда қайырымдылық веложарысы басталды

<p style="text-align: justify;"> <strong>Бурабай курорттық аймағында Олимпиада чемпионы Александр Винокуровтың қатысуымен жыл сайынғы қайырымдылық веложарысы басталды.</strong></p> <p style="text-align: justify;"> Осымен үшінші рет өтіп отырған дәстүрлі іс-шараға Ақмола облысы әкімдігінің қолдауымен &laquo;Rixos Borovoe&raquo; қонақ үйі мен Болат Өтемұратовтың &laquo;Асыл Мирас&raquo; қайырымдылық қоры мұрындық болып отыр. Веложарыс 30 шақырымға жуық қашықтықты қамтиды.</p> <p style="text-align: justify;"> Аталған акцияға велоспорттан Олимпида ойындарының чемпионы Александр Винокуров пен &laquo;Astana Pro Team&raquo; командасының өзге де қатысушылары қолдау көрсетті. &laquo;Тур де Франс-2014&raquo; жеңімпазы Винченцо Нибали осымен екінші жыл қатарынан шара қатысушыларының қатарынан табылып отыр, сондай-ақ биыл ҚР Мәдениет және спорт министрі Арыстанбек Мұхамедиұлы да қатысады.&nbsp;</p> <p style="text-align: justify;"> Еліміздің ірі отандық және шетелдік компанияларының топ-менеджерлері мен қызметкерлерін, түрлі мемлекеттік құрылым басшыларын қоса алғанда қайырымдылық жарысына жалпы 300-ге тарта адам қатысады деп жоспарлануда.</p> <p style="text-align: justify;"> &laquo;Александр Винокуров атындағы қор мен &laquo;Astana Pro Team&raquo; командасының бұл игі іс-шарадан тыс қалмағанына қуаныштымын. Қайырымдылық &ndash; біздің команданың негізгі мақсаттарының бірі. Бүлдіршіндерге қол ұшын созатын жобаларға қатысып жатқанымызға қуаныштымыз. Веложарыстың өтуіне ауа райы кедергі бола алмайды&raquo;, - деп атап өтті Александр Винокуров.</p> <p style="text-align: justify;"> Сонымен қатар Олимпиада чемпионы биыл веложарысқа өзінің балалары да қатысатынын атап өтті. Спортшы қазір отбасымен туып-өскен Солтүстік Қазақстанда демалыста жүр екен.&nbsp;</p> <p style="text-align: justify;"> Қайырымдылық веложарыстың ұйымдастырушылары спорттық шарадан 16,5 млн теңге жинауды көздеп отыр. Бұл қаражат Щучьедегі &laquo;Сәби үйі&raquo; мен Көкшетау қаласындағы мүмкіндігі шектеулі балаларға арналған интернатқа қажетті жабдық алуға жұмсалмақ.&nbsp;</p> <p style="text-align: justify;"> BNews.kz сайтынан</p>