Қазақстан чемпионатының клубы жаңа маусым алдында барлық ойыншымен қоштасты

Шымкенттік «Ордабасы» жаңа маусым басталар алдында бүкіл құрамның кететінін хабарлады, деп жазады Prosports.kz.

«Ордабасы футзал командасы 2022-2023 жылғы маусымдағы командаға алғысын білдіреді. Алдағы маусымда барлығына сәттілік тілейді.

Жақында біз алдағы маусымға дайындықтың жаңа шараларымен қуантамыз», - деп жазды шымкенттіктердің баспасөз қызметі.

Еске салайық, өткен маусымда «Ордабасы» футзалдан Қазақстан чемпионатында тоғызыншы орын алып, плей-офф кезеңіне өте алмаған болатын.