Махаббат Үмітжанова жекелей сайыста Қазақстан Спартакиадасының жеңімпазы атанды

Талдықорған қаласында тас жолдағы велоспорттан ҚР VI жазғы Спартакиадасының екінші жарыс күні өтті.

Әйелдер 25 шақырым қашықтықта сынға түсіп, 36 минут 3 секунд уақыт көрсеткен Махаббат Үмітжановаға (СҚО) тең келер ешкім болмады. Күміс және қола жүлдені Жетісу облысының спортшылары Виолетта Казакова (0:37:11) мен Ақпейіл Өсім (0:37:21) иеленді.

Енді «элита» санатының өкілдері топтық жарыстың жүлделері үшін таласқа түседі. 24 маусымда әйелдер 105 шақырым, ал ертесіне ерлер 164 шақырымда өзара мықтыларды анықтайды.