Екі қазақстандық шабандоз «Швейцария турына» қатыспайтын болды

Бүгін шосседегі велоспорттан «Швейцария туры-2023» көпкүндік жарыстың төртінші кезеңі өтеді, деп хабарлайды Prosports.kz. 

«Астана» сапынан екі қазақстандық шабандоз жарысқа қатыспайтын болды.

«Өкінішке қарай, Алексей Луценко мен Вадим Пронский сырқатына байланысты бүгін жарысқа қатыспайды. Екі шабандозға да тез сауығып кетуін тілейміз!», – деп жазды клуб баспасөз қызметі.

Еске салайық, «Астана» келесі құрамда шығауы керек болатын: Алексей Луценко, Вадим Пронский, Леонардо Бассо, Самуэле Баттистелла, Фабио Феллин, Гарольд Тахеда және Симон Веласко.