Әлем чемпионаты: Саматәлі Төлтаев турнирді жеңіспен бастады

Осы күндері Ташкентте өтіп жатқан бокстан әлем чемпионатында қазақстандық Саматәлі Төлтаев екінші айналымға шықты, деп хабарлайды Prosports.kz.

Бүгін 63,5 келіге дейінгі салмақта өнер көрсететін қазақстандық осы әлем чемпионатындағы дебюттік жекпе-жегінде израильдік Ахмад Штивиді төрешілер шешімімен жеңді.

Еске салайық, турнир 13 салмақ дәрежесінде өтіп жатыр: -48, -51, -54, -57, -60, -63,5, -67, -71, -75, -80, -86, -92, +92 келі. .

Турнирге әлемнің 100-ден астам елінен бокс құрамаларының өкілдері қатысады.

Айта кетейік, бұған дейін тағы үш қазақстандық екінші айналымға өткен болатын, олардың арасында: 92 келі салмақта Айбек Оралбай, 60 келі салмақта Талғат Сырымбетов және жекпе-жекті мерзімінен бұрын аяқтаған Сағындық Тоғамбай.