Қазақстанда танымал қақпашы спорттық мансабын аяқтады

Shaiba.kz сайтына белгілі болғандай, қақпашы Максим Грязнов ойыншылық мансабын аяқтады, деп хабарлайды Prosports.kz.

Ол өзінің мансабын «Ақтөбеде» қақпашылар жаттықтырушысы ретінде жалғастырады.

Теміртаулық хоккейдің 30 жастағы түлегі «Сарыарқа», «Бүркіт», «Құлагер», «Горняк», «Астана», «Ертіс», «Бейбарыс», «Алматы» және «Арлан» командаларында өнер көрсетті.

Қазақстан құрамасы сапында екі рет жасөспірімдер мен жастар арасындағы әлем чемпионаттарында өнер көрсетті.