«Барселона» президенті Месси командаға оралатынын айтты

«Барселона» президенті Жоан Лапорта Испания чемпионатының 29-туры аясында өткен «Хетафеге» қарсы ойын (0:0) алдында жанкүйерлерімен кездесіп, ПСЖ шабуылшысы Лионель Месси жақын арада каталониялық командаға оралатынын айтты, деп хабарлайды Prosports.kz.

Cadena SER Carrusel Deportivo бағдарламасында Лапортаның жауабы жарияланды:

«Месси «Барсаға» орала ма?»

Жанкүйер қойған сұраққа функционер сенімді дауыспен әрі анық: «Иә» деп жауап берді.

Айта кетейік, аргентиналық шабуылшы «Барселонада» 2005 жылдан 2021 жылға дейін өнер көрсетті. Каталониялық клуб сапында ол 778 матчқа қатысып, 672 гол соқты және 303 нәтижелі пас берді.