Зайнутдиновтың командасы Ресей кубогының финалына шықты

Бүгін, 5 сәуірде ЦСКА мен «Крылья Советов» арасында Ресей кубогының РПЛ-ның қарымта жартылай финалдық ойыны өтті, деп хабарлайды Prosports.kz.

Мәскеудегі «ВЭБ Арена» стадионында өткен кездесу 1:0 есебімен мәскеулік команданың минималды жеңісімен аяқталды.

Еске салайық, Самарадағы бірінші ойын 2:2 есебімен аяқталған болатын.

Осылайша, ЦСКА жалпы 3:2 есебімен жеңіске жетіп, «Оралмен» ойнайтын РПЛ жолының финалына шықты.

ЦСКА-ның қазақстандық жартылай қорғаушысы Бактиер Зайнутдинов негізгі құрамда шығып, матчты толық өткізді.