«Астана» хорватиялық қақпашыны қатарға қосты

«Астана» хорватиялық қақпашы Йосип Хондричті қатарға қосты, деп хабарлайды Prosports.kz.

Бұл туралы елордалық клубтың баспасөз қызметі мәлімдеді.

29 жастағы қақпашы мансабының көп бөлігін өз елінде өткізіп, «Рудеш», «Истра», «Загреб» сынды клубтарда ойнады. 2020 жылы Хондрич Ресейге қоныс аударып, РПЛ-да «Ротордың» намысын қорғады.

Осы уақытқа дейінгі соңғы клубы босниялық «Зриньски» сапында чемпиондыққа қол жеткізді. Аталған команда сапында 38 ойын өткізіп, 20 ойында қақпасына гол жіберген жоқ.