ҚФФ өкілі «Наполи» – «Арсенал» матчының инспекторы болып тағайындалды

Қазақстан футбол федерациясы (ҚФФ) төрешілік департаментінің директоры Нуну Каштру Неапольде өтетін Чемпиондар лигасының «Наполи» – «Арсенал» матчының инспекторы болып тағайындалды, деп хабарлайды Prosports.kz.

Оның міндеті италиялық «Наполи» мен ағылшындық «Арсенал» арасындағы матчта төрешілер бригадасының жұмысын бағалау.

Ойын Неапольде 9 қыркүйектен 10 қыркүйекке қараған түні өтеді. Кездесу Диего Марадона атындағы стадионда ұйымдастырылады. Астана уақытымен матч 00:00-де басталады.

УЕФА инспекторы ретінде Каштру матч бойы төрешілер бригадасының әрекетін талдайды. Оның жұмысына төрешілердің шешімдерін және жалпы төрешілік сапасын бағалау кіреді.

Кездесу аяқталғаннан кейін ҚФФ өкілі төрешілердің жұмысы бойынша егжей-тегжейлі есеп дайындайды. Құжат кейінгі бағалау үшін УЕФА-ның тиісті құрылымдарына жолданады.