«Ордабасының» бұрынғы ойыншысы «Ақсуға» ауысты

«Ордабасының» бразилиялық шабуылшысы Луис Гедеш «Ақсу» ауысты, деп хабарлайды Prosports.kz сайты Meta-ratings.kz-ке сілтеме жасап.

23 жастағы ойыншы «Ақсудың» Түркиядағы оқу-жаттығу жиынына қосылды. Жақында ол павлодарлық клубпен келісімшартқа отырады деп жоспарланған.

Айта кетейік, Луис Гедеш былтыр «Ордабасыда» өнер көрсетті. Шымкенттік клуб сапында шабуылшы ҚПЛ-да 24 кездесуге қатысып, бір гол соқты. Кубокта ол алты ойын өткізіп, үш гол соқты.