Луис Леон Санчес «Тур Даун Андердің» алғашқы кезеңінде 28-ші болды

«Tour Down Under» әлемдік жарысының бірінші кезеңінде қатысушылар Тануда маңында 149,9 шақырым қашықтықты бағындырды, деп хабарлайды Prosports.kz.

Кезеңнің жеңімпазы спринттік жарыста анықталды. Неміс Фил Баухаус үздік шықты.

Қазақстандық «Астананың» барлық шабандоздары жеңімпазбен бірдей уақытта мәреге жетті. Солардың ішіндегі ең үздігі испандық Луис Леон Санчес болды, ол жарыста 28-орынға ие болды.