Футзал

Қазақстан құрамасының Черногорияға қарсы матчқа қатысатын құрамы жарияланды

Қазақстан құрамасының Черногорияға қарсы матчқа қатысатын құрамы жарияланды

Футзалдан Қазақстан ұлттық құрамасының бас бапкері Рикардо Кака 2024 жылғы әлем чемпионатының іріктеу турнирінде Черногориямен өтетін кездесуге шақырылған ойыншылар тізімін жариялады, деп хабарлайды  Prosports.kz сайты ҚФФ-ға сілтеме жасап.

Қазақстан құрамасы 2024 жылғы әлем чемпионатына іріктеу турнирі аясында Черногориямен кездеседі. Командалар бір ай бұрын Черногория астанасы - Подгорицада кездесіп, Кака шәкірттері 5:1 есебімен жеңіске жетті. Алдағы матчта жеңіске жету біздің құраманың келесі - элиталық раундқа шығуына кепілдік береді. Осы ойыннан кейін Қазақстан құрамасы 2023 жылдың 8 наурызында Словенияға қарсы сырт алаңда соңғы матчын өткізеді. 

Тізімге 15 ойыншы енді. Қазақстан ұлттық құрамасына алғаш рет 17 жастағы «Ақтөбе» шабуылшысы Батырхан Кенжеғали шақырту алды. Біраз уақыттан кейін «Аяттан» Әбдірасұл Әбдіманапұлы және «Рахметтен» Нұрабек Қабылбаев қайта шақырылды. Әртүрлі себептермен Тайнан, Евгений Кошкин, Ақжол Дәрібай, Лео, Ринат Төреғазин және Серік Мәжитов құрамда жоқ.

Футзалдан Қазақстан құрамасының тізімі:

Қақпашылар: Игита («Қайрат»), Нұрәлем Байдулла («Рахмет»)

Алаңдағы ойыншылар: Дуглас, Дәурен Нұрғожин, Шыңғыс Есенаманов, Дәурен Тұрсағұлов, Альберт Ақбалықов, Эдсон, Біржан Оразов (барлығы – «Қайрат»), Азат Валиуллин, Әбдірасул Әбдіманапұлы (екеуі де - «Аят»), Арнольд Кнауб, Райымбек Жұма (екеуі де – «Каспий»), Батырхан Кенжеғали («Ақтөбе»), Нұрабек Қабылбаев («Рахмет»).

Естеріңізге сала кетейік, 2024 жылғы әлем чемпионатының іріктеу циклі аясында 9 қараша күні футзалдан Қазақстан құрамасы Черногория құрамасын қабылдайды. Матч Алматыда, Балуан Шолақ атындағы спорт сарайында өтеді. Кездесудің басталуы сағат 20:00-де.

Ошибка в тексте? Выделите и нажмите Ctrl+Enter
Ұлттық құрама

Ұлттық құрама

Новости национальной сборной казахстана: сводка событий, интервью

Пікірлер 0