Қазақстандық боксшы Азия чемпионатының жартылай финалына шықты

Қазақстандық Жазира Орақбаева бокстан Аммандағы Азия чемпионатының жартылай финалына жолдама алды, деп хабарлайды Prosports.kz.

52 келіге дейінгі салмақта сынға түсетін отандасымыз ширек финалда Оңтүстік Корея боксшысы Ким Чхэвонды жеңді.

Осылайша, Орақбаева жартылай финалға жолдама алып, кем дегенде қола медаль иеленіп қойды.

Бүгін тағы алты боксшымыз ширек финалда жұдырықтасады. Трансляцияны мына сілтеме арқылы қарай аласыздар.