Қазақстан құрамасына шақырту алған ойыншылар тізімі жарияланды
Қазақстанның және әлемнің спорт жаңалықтарына жазылыңызФутзалдан Қазақстан құрамасының бас бапкері Рикардо Кака Әзербайжан құрамасына қарсы жолдастық кездесуге шақырылған ойыншылар тізімін жариялады, деп хабарлайды Prosports.kz.
Оқу-жаттығу жиыны бүгін, 12 қыркүйекте Ақтауда басталды. Қазақстан құрамасы жаттығу жиыны аясында Әзербайжанға қарсы екі жолдастық матч өткізеді. Екі кездесу де «Халық Арена» спорт кешенінде өтеді.
Футзалдан Қазақстан құрамасы:
Қақпашылар: Игита, Нарун Серіков (екеуі де – «Қайрат»), Ақжол Қайратұлы («Каспий»);
Алаңдағы ойыншылар: Дуглас, Дәурен Нұрғожин, Шыңғыс Есенаманов, Біржан Оразов, Дәурен Тұрсағұлов, Альберт Ақбалықов, Эдсон (барлығы – Қайрат), Тайнан («Эль-Посо», Испания), Арнольд Кнауб, Райымбек Жұма, Джахангир Рашит (барлығы – «Каспий») , Азат Валиуллин, Әбдірасул Әбдіманапұлы (екеуі де – «Аят»), Евгений Кошкин («Астана»);
Жаттықтырушылар құрамы: Рикардо Кака – бас бапкер, Серік Унбаев – бас бапкердің көмекшісі, Григорий Шамро – қақпашылар жаттықтырушысы, Тьяго Дуарте Вийера – физиотерапевт.
Ойын кестесі:
19 қыркүйек, 2022 жыл
Қазақстан – Әзербайжан
20 қыркүйек, 2022 жыл
Қазақстан – Әзербайжан
Матчтар басталатын уақыт кейінірек анықталады.