Әлем чемпионаты: Негізгі іріктеу кезеңінің күнтізбесі жарияланды

Футзалдан 2024 жылғы әлем чемпионатына іріктеу кезеңінің күнтізбесі жарияланды, деп хабарлайды Prosports.kz.

Қазақстан құрамасы негізгі іріктеу кезеңіндегі алғашқы ойынын қазан айында өткізеді. Матчтардың өтетін орны мен басталатын уақыты кейінірек белгілі болады.

Айта кетейік, негізгі іріктеу кезеңіне 36 команда қатысады, олар үш командадан 12 топқа бөлінеді. Әр топтың жеңімпаздары мен екінші орын алған төрт үздік команда тікелей элиталық кезеңге шығады. Екінші орын иеленген қалған сегіз команда өтпелі ойындар арқылы тағы төрт жолдаманы сарапқа салады.