«Махачкала алыс емес». Қазақстандық файтер қарсыласына үндеу жасады
Қазақстандық файтер Дәурен Ермеков ресейлік Гамзат Хирамагомедовке үндеу жасады, деп хабарлайды Prosports.kz тілшісі erkinkush_mma Инстаграм парақшасына сілтеме жасап.
Ермеков пен Хирамагомедов Хабиб Нурмагомедовтың Eagle FC промоушенінде жартылай ауыр салмақтағы уақытша чемпион атағы үшін жекпе-жек өткізуі керек болатын.
«Гамзат, бауырым, қайдасың? Мен сені осында — Қазақстанда күтемін. Қалай болса да жет. Көлікті жолдан ұстасаң да. Бұл жерден, негізінен, Махачкала алыс емес», - деді қазақстандық файтер.
Айта кетейік, Хирамагомедовке төленбеген айыппұл себебінен сапарға шығуға тыйым салынып, Ақтауға ұшып келе алмаған. Бұған дейін ресейлік Қазақстанға шілденің 15-іне қараған түні ұшып келетіні хабарланған болатын.
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или