Денис Сергиенко маутинбайктан Түркиядағы турнирде жүлде еншіледі

Түркияның Алания қаласында маунтинбайктан ХСС (шорт-трек) дисциплинасы бойынша халықаралық турнир мәресіне жетті, деп хабарлайды Olympic.kz.

Аталған сында қазақстандық спортшы Денис Сергиенко күміс медаль жеңіп алды. Ол швейцариялық Давид Рисбергке қана есе жіберген.

Қола жүлдені тағы бір швейцариялық спортшы Вильгот Линдх иеленді. Жарысқа жалпы есебі 22 спортшы қатысқан. Оның екеуі мәреге жеткен жоқ.