«Италиямен матчта алдымызда қандай қарсылас тұрғаны маңызды болмады». Жауынгер Оразов, Игита деңгейі және Қазақстанның үздік ойыны

2022 жылғы Еуропа чемпионаты топтық кезеңінің шешуші матчында Қазақстан құрамасы Италияны 4:1 есебімен жеңіп, В квартетінің фавориті мәртебесін дәлелдеді, енді ширек финалда А тобында екінші орын алған Украина командасымен кездеседі.

Prosports.kz журналисі белгілі отандық жаттықтырушы Владимир Кравченкодан сұхбат алып, топтық кезеңдегі шешуші ойын туралы пікірін сұрады.

- Владимир Леонидович, топтық кезеңнің шешуші матчында Қазақстан құрамасы Италиядан басым түсті. Бұл матчтан алған әсеріңіз қандай?

- Қазақстан, плэй-офф жолдама сарапқа салынған матчта турнирдегі ең үздік ойынын көрсеткен болар. Біздің команда сенімді әрекет етті және біздің барлық футболшымыз мықты қасиеттерін көрсетті.

- Италияға қарсы матчта қазақстандық ойыншылардан кімді атап өтер едіңіз?

- Команданы алға сүйреп, нағыз жауынгер болған Біржан Оразовты атап өткім келеді. Бұл матчта Игита мен Дуглас өз деңгейін көрсетті. Бұл адамдар алаңда болған кезде, барлық ойыншыға сенім ұялатады. Эдсон өзін өте жақсы көрсетті, мұнда ол қапталдан өтіп, соққы жасаған сәтін еске түсіру жеткілікті, кейін Валиуллин аяғын қойып ғана қалды. Әрине, екі сары қағазға байланысты біз Тайнан мен Эдсон келесі матчта ойнамайтыны өкінішті.

- Ойын толығымен қазақстандық команданың бақылауында өтті деуге бола ма?

- Итальяндар гол соққан кезде біраз қобалжу болды. Қарсылас шабуылды үдеткендіктен, аздап ауыр болды, бірақ біз шыдап, бірінші таймды өз пайдамызбен аяқтадық. Екінші таймда қарсылас алға ұмтылды, ал біз қарымта шабуылдарды қолдануымыз керек болды.

- Қазақстан құрамасы матчтың кей сәтінде өз қақпасына тым жақын ойнады, бізге әлі физика жетіспейтін секілді, қалай ойлайсыз?

- Біздің команданың барлық ойыншысы дерлік турнир алдында коронавирус жұқтырды, бұл дайындыққа әсер етті. Ойыншылардың әрқайсы түрлі дайындық деңгейінде, ал Кака турнирге келген сәттен бастап команда құра бастады. Кей тұста жігіттердің физикалық дайындығы әртүрлі екені байқалады, бірақ бұл Дугласқа алаңда көп уақыт өткізуге, ал Оразовқа команданы жетелеуге кедергі келтірмейді. Бірақ сол Біржан команда жиынының бірінші кезеңіне қатыспаса, себебі коронавирус жұқтырды.

- Италияға қарсы матч Қазақстан үшін әзірге турнирдегі ең үздік ойын екенін айттыңыз. Финляндияға қарсы матчпен салыстырсақ, қандай айырмашылық бар?

- Финдерге қарсы ойында бірге Оразов пен Кнауб көп көмектесті, олардың ойыны қорытынды нәтижеге әсер етті, бірақ басқа футболшылардың еңбегін айтпай кетуге болмайды. Барлық жігіт, ең алдымен, өздері үшін емес, команда үшін ойнайды және бұл бапкерлік штабтың еңбегі. Психология мәселесінде айырмашылық бар деп айта аламын, өйткені біздің алдымызда қандай қарсылас болғаны маңызды емес еді. Италияға қарсы матчта ойын сәттері қосылды, біз қарсыласымыздың алдында үрейленбедік. Қазір еуропалық құрамалар турнирде Қазақстанмен кездескісі келмейді.

- Ширек финалда Қазақстанның қарсыласы Украина болады, ол шешуші турда Португалиядан жеңілді – 0:1. Бізді турнирдің плей-офф кезеңінде қаншалықты маңызды қарсылас күтіп тұр?

– Мұнда, әрине, Сергей Коридзе мен Украина құрамасының өзара қарсылығын атап өтуге болады, өйткені ол - украиналық футзалдың аңызы. Біздің қарсыласымызға келер болсақ, ол команда легионерлерсіз ойнайды, құрамында тек өз түліктері бар. Сербияға қарсы матчқа таңғалдым, өйткені Украина үшін бұл Қазақстан мен финдердің матчына ұқсас болды, нәтиже көрсету керек болды. Украина құрамасының жарқын жұлдыздары жоқ, бірақ ондағы барлық жігіт физикалық және тактикалық жағынан жақсы дайындалған, алаңда бір механизмді көрсетеді.