Еуропа чемпионаты: Испания жарысты сенімді жеңіспен бастады

Футзалдан Еуропа чемпионатының топтық кезеңінің бірінші турындағы ойында Испания құрамасы Босния және Герцеговина құрамасын (5:1) жеңді, деп хабарлайды Prosports.kz.

Ортис жеңімпаздар сапынан дубль авторы атанды. Рауль Гомес, Рауль Кампос және Серхио Лозано мергендік танытып көзге түсті. Босниялықтар қатарынан Йосип Боскович гол соқты.

D тобында үш ұпаймен Испания көш бастады.Грузия құрамасының да ұпай саны бірдей. Әзірбайжан мен Босния және Герцеговинада ұпай жоқ.

Еуропа чемпионаты. D тобы. 1-тур

Испания – Босния және Герцеговина – 5:1 (3:1)