Футзалдан Қазақстан құрамасы Нидерландыда алғашқы жаттығуларын өткізді

Футзалдан Қазақстан құрамасы ЕУРО-2022 турниріне қатысу үшін Нидерландыға жетті. Бірінші күні команда екі оқу-жаттығу жиынын өткізді, деп хабарлайды Prosports.kz.

«Қазақстан құрамасы топтық кезеңдегі барлық ойындарын MartiniPlaza Groningen аренасында өткізеді. Өкінішке орай, жанкүйерлер спорт кешеніндегі ойынды көре алмайды», – деп жазады Қазақстан құрамасының Instagram желісіндегі ресми аккаунтында.

Қазақстан құрамасы 20 қаңтар күні алғашқы ойынын Словенияға қарсы өткізеді. Матчты Qazsport арнасы тікелей эфирде көрсетеді.