Нұрбек Қарағұлов: Өзбекстанмен ойында мықты екенімізді дәлелдедік

Қазақстан құрамасының ойыншысы Нұрбек Қарағұлов Өзбекстанмен (3:1) өткен жолдастыш матч жайлы өз пікірін білдірді, деп жазады Prosports.kz.

- Бұл ойынға аз уақыт қалғанда жиналдық. Бір-екі күн жеңіл жаттығулар болды. Команданың көңіл-күйі тамаша. Атмосфера керемет. 

Матч туралы айтатын болсақ, Өзбекстан құрамасы жақсы ойын көрсетті. Әйткенмен, біз мүмкіндіктерді жақсы пайдаланып, мықты екенімізді дәлелдеп, сенімді жеңіске жеттік. Бүгін де қиын ойын күтіп тұр деп ойлаймын. 

Екі жылдан астам уақыт жанкүйерлерсіз ойнау қиын болды. Олардың трибунаға оралып, қызу қолдау көрсеткеніне қуаныштымыз.