«Астананың» ісінде бұрынғы шабандоздың хаты да пайдаланылуда

<p> <strong>Лозаннаның ғылым және спорт институтының аудит бойынша жүргізген қорытындысы мен Падуя қаласы полициясының тергеу материалдарынан бөлек Лицензиялық комиссияның қарауында &laquo;Астана&raquo; велокомандасының бұрынғы шабандозы Фредрик Кессякоффтың хаты да жатыр, деп хабарлайды astanafans.com Gazzetta dello Sport-қа сілтеме жасап.</strong></p> <p> &laquo;Астана&raquo; велокомандасының лицензиясын қайтарып алу мәселесін қарап жатқан Лицензиялық комиссияға қазақстандық команданың бұрынғы велошабандозы Фредрик Кессякоффтың хаты да ұсынылды. Спортшы өз хатында бұрынғы ұжымының жұмыс істеу және басқару жүйесі туралы баяндаған.&nbsp;</p> <p> Велоспорттан ерте қол үзген Кессякофф ұзақ уақыт бойы &laquo;Астана&raquo; командасының қызметіне көңілі толмағанын айтып, басшылықты қысым жасады деп айыптаған болатын.&nbsp;</p> <p> Естеріңізге салып өтсек, Халықаралық велосипедшілер одағы (UCI) Лицензиялық комиссия нақты шешім шығармағанға дейін &laquo;Астана&raquo; велокомандасының ісіне қастысты қандай да бір түсініктеме беруден бас тартты.&nbsp;</p> <p> &nbsp;</p> <p> BNews.kz сайтынан</p>