Ерлан Пернебековті еске түсіруге арналған веложарыс өтті

<p style="text-align: justify;"> <strong>Шымкентте велоспорттан Қазақстанның қысқы чемпионаты аяқталды. Ел біріншілігінің соңғы күні мезгілсіз көз жұмған қазақ велоспротшысы Ерлан Пернебековтің рухына бағышталып, арнайы критериум жарысы ұйымдастырылды</strong><strong>.</strong></p> <p style="text-align: justify;"> Ерлан Пернебековті еске түсіруге арналған критериум жарысының ерлер арасындағы сынында Григорий Штейн жеңімпаз атанды. Ал әйелдер арасында Наталья Сайфутдинова топ жарды. Жеңімпаздар мен жүлдегерлерді Ерлан Пернебековтің анасы марапаттады.</p> <p style="text-align: justify;"> Ерлер арасындағы 20 шақырымдық жекелей сында Юрий Натаров, ал әйелдер арасындағы 10 шақырымдық осындай бәйгеде Надежда Генелева ел чемиондары атанған.</p> <p style="text-align: justify;"> Григорий Штейн аламан бәйгеде де ел чемпионы атанды. Әрі командалық жарыста Алматы облысының құрамында жеңімпаз атанып, дәл қазір спорттық бабында екендігін көрсетті.</p> <p style="text-align: justify;"> Жалпы, ҚР велоспорт федерациясы баспасөз қызметінің ақпараттарына сүйенсек, Наурыз тойы аясында өткен еліміздің қысқы чемпионатына 140 велошабандоз қатысқан.</p> <p style="text-align: justify;"> Төрт күнге созылған ел біріншілігінің қорытындысы бойынша, жалпы командалық есепте Алматы облысының велошабандоздары сегіз жүлдемен (оның үшеуі &ndash; алтын) бірінші орынға ие болған. Алматы қаласының велоспортшылары екінші, ал Солтүстік Қазақстан облысының қыз-жігіттері үшінші орындарды еншілеген.</p> <p style="text-align: justify;"> &nbsp;</p> <p style="text-align: justify;"> &laquo;Алаш айнасы&raquo; сайтынан</p>