ФИФА Қазақстан құрамасының камбэк жасағанына тәнті болды
Халықаралық футбол федерациясы (ФИФА) өз твиттерінде футзалдан әлем чемпионатының ширек финалында Қазақстан құрамасының ерік-жігерімен жеңіске жеткенін жазды,- деп хабарлайды Prosports.kz.
«Сіздің команда 2 гол өткізіп алды ма? Мәселе жоқ! Қазақстан Иранды ұтып, тарихта тұңғыш рет футзалдан әлем чемпионатының жартылай финалына шықты»,-деп жазды ФИФА твиттерде.
Two goals down? No problem! Kazakhstan advance to the semi-finals of the #FutsalWC for the first time with a dramatic victory over IR Iran pic.twitter.com/1xksv8H9cP
— FIFA.com (@FIFAcom) September 27, 2021
Бірінші таймда Қазақстан құрамасы сәтсіз ойнап, 2:0 есебімен ұтылып қалды. 8-минутта Мослем Оладгобад ирандықтарды алға шығарды. Ал, 15-минутта Ахмед Эсмаилпур есепті еселеді.
Бірақ, екінші таймда отандастарымыз жеңіске деген күш-жігер тауып, 3 гол соғып жартылай финалға шықты.
Кездесудің 25 -минутындағы үзілістен кейін Иран қақпашысы Алиреза Самими өз қақпасына гол соқты. Ал 29 минутта қазақстандық шабуылшы Арнольд Кнауб есепті теңестірді. Ал 39 минутта Тайнан жеңіс голын соқты.
Жартылай финалда Қазақстан 1/4 финалда Испания құрамасын қосымша уақытта ұтқан Португалиямен кездеседі.
Португалия - Қазақстан матчы 30 қыркүйекте Каунас қаласында өтеді.