Футзалдан ӘЧ 1/8 финалындағы Қазақстан - Таиланд матчының тікелей трансляциясы

Бүгін Каунаста футзалдан әлем чемпионатының 1/8 финалында Қазақстан мен Таиланд құрамалары кездеседі, деп хабарлайды Prosports.kz.

Ойынның тікелей трансляциясы елорда уақытымен 20:20-да басталады, оны Qazsport телеарнасынан көруге болады.

Бұған дейін Қазақстан құрамасы өз тобында Коста-Рика (6:1) мен Литваны (3:0) жеңіп, Венесуэламен (1:1) тең түсіп, 1/8 финалға бірінші орынмен шыққан. Таиланд құрамасы өз тобында үшінші орын алды— команда Соломон аралдарын (9:4) тас-талқан етіт, Мароккомен (1:1) тең тарқасты және Португалияға (1:4) жол берді.

Таиландты жеңген жағдайда Қазақстан ширек финалда Өзбекстан – Иран жұбының жеңімпазымен кездеседі.

фото: ҚФФ