Ауыр атлетикадан биылғы әлем чемпионаты өтетін жер анықталды

Халықаралық ауыр атлетика федерациясы 2021 жылғы әлем чемпионатын қабылдайтын қаланы анықтады, деп хабарлайды Olympic.kz. 

Биылғы біріншілік Өзбекстан астанасы Ташкентте өтеді. 

Әлемдік сын 7-17 желтоқсан аралығына жоспарланған. 

Қазақстан командасы дайындыққа кірісті. Қазіргі таңда Бақыт Ахметов бастаған топ Түркияда оқу-жаттығу жиынын өткізуде. 

Әлем чемпионатына қатысушылар қарашада өтетін республикалық сыннан кейін анықталады.