Спринтер Сергей Пономарев үшін Токио Олимпиадасы аяқталды

Қазақстандық спринтер Сергей Пономарев Токио Олимпиадасының кейрин жарысында ширек финалға шыға алмады, деп хабарлайды Prosports.kz.

Жұбаныш жарысында ол мәреге үшінші болып жетіп, екінші орыннан 0.124 секундқа қалып қойды.   

Айта кетейік, шабандоздар тректе алты айналым жасады. Ширек финалға әр топтан үздік екеуі шықты.

Еске салайық, бұған дейін ол жекелей спринтте іріктеуден өте алмаған еді.