«Жапонияның қасиетті тауын бағындыру». Олимпиада жолы туралы нені білуіміз керек

Осы сенбіде төртжылдықтың басты жарысы – жазғы олимпиада Токиода өтеді. Prosports.kz ерлер арасындағы екі олимпиадалық қашықтықтың маршрутын талдайды.

234 шақырымды құрайтын топтық жарыста велошабандоздар Токиодан 90 шақырым жерде орналасқан қасиетті «Фудзияма» тауына бес рет көтеріледі. Жалпы биіктік – 4865 метрді құрайды.

Старттан 40 км кейін пелотон тауға көтеріле бастайды. Бірінші категорияға көтерілу – «Доси» деп аталады, оның қашықтығы (4,3 км, орташа градиенті 6,2%) – 80,5 км. Велошабандоздар 1121 м биіктікке көтеріледі.

Екінші категорияға көтерілу – «Кагосака» асуы (2,2 км, орташа градиенті 4,8%) старттан 96,5 шақырым кейін басталады. Биіктігі – 1099 м.

Үшінші «Санроку» асуының (орташа градиенті 6% -бен 14,5 км) қашықтығы – 138,8 км. Биіктігі 1449 м.

«Микуни» асуының қашықтығы (6,8 км, орташа градиенті 10,1%) – 200,3 км. Биіктігі - 1160 м.

Шыңда спортшылар 4 шақырымдық секторға тап болады. Содан кейін олар төменге түсіп, ары қарай Кагосака асуына көтеріледі.

Ерлердің жеке уақыттық сынағы 28 шілдеде, сәрсенбіде өтеді. Қашықтықтың ұзындығы 44,2 км, 846 м биіктікке көтеріліп, басталуы мен аяқталуы Фудзи мотоцикл жолында болады. Ерлер екі бірдей айналымды аяқтайды.

Алексей Луценко, Дмитрий Груздев және Вадим Пронский Қазақстан құрамасы үшін топтық жарыста күш сынасады. Сондай-ақ, Алексей жеке өзі ел атынан қатысады.