Қазақстандық төрешілер волейболдан әлемдік жарыстарда төрелік етеді

Қазақстандық қазылар волейболдан ірі халықаралық турнирлерде қазылық етеді. Бұл туралы федерацияның баспасөз қызметіне сілтеме жасаған Olympic.kz.

19 жасқа дейінгі жасөспірім ұлдар арасындағы әлем біріншілігінде Қазақстан атынан арбитр Ирина Қабылбекова қызмет етеді. Аталған әлемдік сын 2021 жылдың 24 тамызы мен 2 қыркүйегі аралығында өтеді.

Сондай-ақ, 21 жасқа дейінгі ерлер арасындағы әлем чемпионатында қазақстандық Юлия Акулова төрелік етеді. Біріншілік 23 қыркүйек пен 3 қазан аралығында Италия мен Болгарияда ұйымдастырылады.