Флойд Мейвезер мен Логан Пол жұдырықтасатын турнирдің карды белгілі болды

Флойд Мейвезер қатысатын турнирдің карды белгілі болды, деп хабарлайды Prosports.kz тілшісі championat.com сайтына сілтеме жасап.

6 маусымда Майамидегі (Флорида, АҚШ) Hard Rock Stadium аренасында бокс кеші өтеді, басты жекпе-жекте Флойд Мейвезер мен YouTube-блогер Логан Пол жұдырықтасады.

Тағы бір басты жекпе-жекте жартылай ауыр салмақта WBA чемпионы Жан Паскаль рингке шығады. Оның қарсыласы екі салмақта бұрынғы әлем чемпионы, ардагер Баду Джек болады.

BoxingScene мәліметінше, андеркардьа бірінші орта салмақта бұрынғы әлем чемпионы Джарет Хёрд пен Луис Ариас жұдырықтасады.