Карина Кузганбаева Азия чемпионатының күміс жүлдегері атанды

Қазақстандық спортшы ауыр атлетикадан Азия чемпионатының күміс жүлдесіне ие болды, деп хабарлайды Olympic.kz.

Бұл күндері Ташкентте ауыр атлетикадан Азия чемпионаты өтіп жатыр. Бүгін әйелдер арасында 81 келіге дейінгі салмақ дәрежесінде үздіктер анықталды.

Қазақстан құрамасының мүшесі Карина Кузганбаева қоссайсы нәтижесі бойынша 232 (104+128) ұпай еншілеп, күміс жүлдегер атанды.

Кореялық Хьенжу Джанг 236 (103+133) ұпайымен Азия чемпионы атанды. Ал 218 (96+122) ұпайын жинаған түркіменстандық Айсолтан Тойчиева қоланы қанағат тұтты.