Қазақстан чемпионаты: плей-офф кезеңіндегі жартылай финалистер анықталды

Футзалдан Қазақстан чемпионаты плей-офф кезеңінің 1/2 финалына шыққан командалар анықталды.

Жартылай финалда алматылық «Қайрат» пен Рудныйдың «Аят» қарсылас атанса, екінші жұпта «Атырау» мен «Ақтөбе» командалары кездеседі.

14 және 15 сәуірде «Нұр-Аман» спорт кешенінде командалар екі кездесу өткізеді. Үшінші матч та сол жерде 18-де өтеді. Қажет болса, серияның төртінші және бесінші ойындары 19 және 22 сәуірде өтеді. Қай команда үш рет жеңіске жетсе, сол ұжым финалға жолдама алады.