Чемпиондар лигасы: «Қайрат» ширек финалда «Бенфикамен» кездеседі

Футзалдан Чемпиондар лигасында бақ сынап жатқан алматылық «Қайраттың» келесі кезеңдегі қарсыласы анықталды, деп хабарлайды, Prosports.kz.

Кака шәкірттері ширек финалда португалиялық «Бенфикамен» кездеседі.

Сегіз команда 28 сәуір мен 3 мамыр аралығында Беларусьтегі «Минск-Аренада» Еуропаның үздік клубы атағына таласады.

Кеше 1/8 финалда «Қайрат» румыниялық «Юнайтед Галацты» 6:1 есебімен ұтқан еді.

Ал, «Ақтөбені» жарыстан шығарып тастаған «Добовец» азулы «Барселонамен» кездеседі.