«Мурсия Вуэльтасы» үш ай кейінге шегерілді
Қазақстанның және әлемнің спорт жаңалықтарына жазылыңызЕкі күндік «Вуэльта Мурсияның» ұйымдастырушылары Испанияда COVID-19 эпидемиологиялық жағдайының нашарлауына байланысты жарысты ақпаннан мамырға ауыстыру туралы шешім қабылдады, деп хабарлайды Prosports.kz.
«Қазіргі COVID-19 жағдайы бізді Вуэльта Циклиста-ла-Регион де Мурсия - Гран Премио Банко Сабаделл жарысын кейінге қалдыруға мәжбүр етеді. Біз 21-22 мамырды балама күндер ретінде ұсындық», - деп жазады жарыстың ресми Twitter-і.
«Бұл өте қиын шешім болды, өйткені жарысты өткізуге толық дайын едік.
Бірақ біз бұл шешімді COVID-19 дағдарысы жағдайында қабылдадық және әрдайым қолдау көрсетіп келген барлық демеушілермен келістік.
Аурудан зардап шеккендерге және күн сайын пандемиямен бетпе-бет келетін денсаулық сақтау қызметкерлеріне қолдау көрсететін кез келді. Жақында кездескенше», - деді Вуэльта-Мурсияның баспасөз қызметі.