Қайрат Келімбетов өз еркімен қызметінен кетті

<p> <strong>Қазақстан велоспорты федерациясының президенті Қайрат Келімбетов өз еркімен қызметінен кететін болды. Бұл туралы федерацияның баспасөз қызметінен мәлім етті, деп хабарлайды Bnews.kz.</strong></p> <p> &laquo;Әлемде болып жатқан күрделі экономикалық дағдарыс кезеңінде Ұлттық банкке тапсырылған міндеттерді өз деңгейінде орындау үшін барымды салуым тиіс. Сол себепті Федерация басшылығынан өз еркіммен кетуді ұйғардым&raquo;, - дейді Қазақстан Ұлттық банкінің төрағасы Қайрат Келімбетов.</p> <p> Велоспорт федерациясының жаңа президенті жақын арада есеп беруге арнап өткізілетін конференцияда жария етіледі. Айта кету керек, Қайрат Келімбетов Федерацияны басқарып тұрған уақытта қол жеткен негізгі жетістік &ndash; Александр Винокуровтың Лондон олимпиадасында алтын медальді иеленуі болды.</p> <p> Сонымен қатар, &laquo;Астана&raquo; велокомандасы соңғы жылдары халықаралық аренада сәтті өнер көрсетіп келеді.</p> <p> Естеріңізде болса, Қайрат Келімбетов &laquo;Тур де Франс&raquo; велокөпкүндігінің алғашқы кезеңін Қазақстанда өткізу туралы бастама көтерген болатын.</p> <div> Bnews.kz сайтынан</div>