Кака: Командада ешқандай қобалжу жоқ
«Қайрат» АФК бас бапкері Кака УЕФА Чемпиондар лигасының 1/16 финалы аясында өтетін «ВитЭнге» қарсы матчта қатысты пікірін білдірді.
– «ВитЭнге» қарсы шабуылшысыз ойнайтын жоспарыңыз бар ма?
– «Қайрат» шабуылшысыз қалды деп айтпас едім. Бізде шабуыл шебінде ойнай алатын Тұрсағұлов пен Ақбалықов бар. Әрине, Эдсон, Фернандиньо мен Гадейяның жоқтығы әсерін тигізбей қоймайды. Бірақ мен қатарда бар ойыншыларға толық сенемін.
– Үш бірдей көшбасшы ойыншы қатардан шығып қалды. Бұл командаға қалай әсер етті?
– Ешқандай қобалжу жоқ! Команда қалай ойнау керегін жақсы біледі. Иә, біз үш ойыншымыздан айырылдық. Бірақ оларсыз да команда сапында халықаралық дәрежеде ойнаған Қазақстан құрамасының өкілдері бар.
– Сырқаттанып қалуына байланысты біраз уақыт ойнамаған Игитаның жағдайы қалай?
- Игита толық жазылды. Қазір жаттығып жүр. Бабына келіп үлгергені қуантады.