Футзалдан Қазақстан құрамасының шабуылшысы Арнольд Кнауб карьерасын Германия жалғастырады. Бұл туралы ол Instagram-парақшасында мәлім етті, деп хабарлайды Prosports.kz тілшісі.
Қазақстандық футзалшы Регионаллиганың (чемпионаттың жоғарғы дивизионы) Батыс аймағында көшбасшы саналатын дюссельдорфтық «Фортуна» командасымен келісімшартқа отырды. Айта кету керек, 2021 жылдан бастап Германияда Бундеслига құрылады және оған шығу үшін «Фортунаның» өз аймағында бірінші немесе екінші орынды иеленуі керек.
25 жастағы Кнауб маусымды «Жетісуда» бастаған, бірақ клуб жабылған болатын. Ол Талдықорғанға 2016 жылы өзінің туған клубы «Тұлпар» жабылғаннан кейін ауысқан. Кнауб Қазақстан құрамасында 37 матч өткізіп, Еуро-2016-ның қола жүлдегері атанды, 2016 жылы Әлем кубогында үш гол соқты және Еуро-2018-де өнер көрсетті.
