«Қайрат» пен «Ақтөбе» Чемпиондар лигасындағы қарсыласын білді

Чемпиондар лигасына қатысатын «Қайрат» пен «Ақтөбенің» қарсыластары белгілі болды, деп жазады Prosports.kz сайты. 

Турнирдің 1/16 финалында қазақстандық командалар «іріктелгендің» қатарына кіреді. Біздің командаларға «ВитЭн» (Беларусь), «Хоэнштайн-Эрнстталь» (Германия), «Шкупи» (Македония) мен АЕК (Грекия) ұжымдары қарсылас болуы мүмкін еді.

Жеребенің нәтижесінде, «Қайратқа» Беларусьтің «Витэн» командасы қарсылас атанды. Ал «Ақтөбе» Грекияның АЕК-пен ойнайды.

Айта кетейік, Чемпиондар лигасының 1/16 финалы матчтары 12-17 қаңтар күндері өтеді. Келесі кезеңнің жолдамасын бір матч шешеді.