Волейболдан ел чемпионатының бірінші кезеңі үш қалада өтеді
<span>Волейболдан ерлер мен әйелдер арасындағы Қазақстан біріншілігінің алғашқы тур ойындары өтетін орын мен мерзім анықталды. </span>
<span>Бұл туралы волейбол федерациясының баспасөз қызметі хабарлады. </span>
<span>Қазақстанның 29-шы чемпионаты 6-29 қараша аралығында үш қалада өтеді. Атап айтар болсақ, әйелдер арасындағы Ұлттық лига мен қосымша құрам арасындағы Жоғары лига ойындары Талдықорғанда ұйымдастырылады. </span>
<span> Оралда әйелдер мен ерлер арасындағы Жоғары лига матчтары өтсе, Таразда ерлерден Ұлттық лига және қосымша құрам арасындағы Жоғары лига ойындары жоспарланған. </span>
<span> Турнир шектеу шаралары кезіндегі медициналық регламентке сай өтеді. Ведомствоаралық комиссия шешімімен балалар арасындағы турнирлер жыл соңына дейін өткізілмейді. </span>